"Birinchi rezinotexnika zavodi" MCHJ katta konferents-zalida korrupsiyaga qarshi siyosat sohasidagi ayrim me'yoriy hujjatlarni amalga oshirish bo'yicha yig'ilish bo'lib o'tdi.

 Ishtirokchilar muvofiqlikni boshqarish sohasidagi mavjud muammolarni muhokama qildilar, tasdiqlangan korrupsiyaga qarshi chora-tadbirlar rejalarini amalga oshirish bo'yicha chora-tadbirlarni belgilab oldilar.

BRZ MChJ Komplayens xizmati boshlig'i Zikirov J.T. yig'ilish qatnashchilarini O'zbekiston Respublikasi Prezidentining Farmoni «Korrupsiyaga qarshi murosasiz munosabatda bo'lish muhitini yaratish, davlat va jamiat boshqaruvida korruptsiyaviy omillarni keskin kamaytirish va bunda jamoatchilik ishtirokini kengaytirish chora-tadbirlari to'g'risida» (2021 yil 6 iyuldagi PF-6257) bilan tanishtirdi.

"Hujjatga ko'ra, Korrupsiyaga qarshi kurashish agentligi "Korruptsiyaga oid jinoyatlarni sodir etishda aybdor deb topilgan shaxslarning ochiq elektron reyestri" ni yuritadi.

2022 yil 1 yanvardan boshlab davlat xizmatchilari, davlat ulushi 50 foizdan yuqori bo'lgan tashkilotlar, davlat korxonalari va muassasalari rahbarlari va o'rinbosarlari, ularning turmush urtog'lari va voyaga etmagan farzandlarining daromadlari va mol-mulkini majburiy deklaratsiya qilish tizimi joriy etiladi. Korrupsiyaga qarshi kurashish agentligiga manfaatlar to'qnashuvi bilan bog'liq har qanday holatlar aniqlanganda, shartnoma, buyruq va boshqa hujjatning  amal qilishini to'xtatib turish to'g'risida yoki uni haqiqiy emas deb topish bo'yicha sudga da'vo kiritish vakolati berildi. Shuningdek, «Birinchi Rezinotexnika Zavodi»  bo'limlari va xizmatlari rahbarlari Farmon bilan tasdiqlangan 2021–2022 yillarda Korrupsiyaga qarshi kurash bo'yicha davlat dasturini muhokama qildilar.
Majlis ishtirokchilari, shuningdek, Prezidentning "Korrupsiyaga qarshi kurashish faoliyatini samarali tashkil etishga doir qo'shimcha chora-tadbirlar to'g'risida" gi Farmoni (2021 yil 6 iyuldagi PQ-5177) bilan tanishtirildi, unga ko'ra 2021 yil 1 sentyabrdan boshlab davlat organlariga ishga qabul qilish, davlat unitar korxonalari va muassasalari, shuningdek davlat ulushi 50 foizdan ortiq bo'lgan tashkilotlar (keyingi o'rinlarda davlat tashkilotlari deb yuritiladi) ochiq tanlov asosida amalga oshiriladi. Shuningdek, o'tkaziladigan sinov tadbirlarini  Internet orqali real vaqt rejimida kuzatish ta'minlanadi.

Ishtirokchilar 2021 yil 1 oktyabrdan boshlab korrupsiyani barvaqt aniqlash va oldini olish, ularning sabablari va sharoitlarini yo'q qilish, nizolarning oldini olish bo'yicha choralar ko'rish uchun mas'ul bo'lgan barcha davlat tashkilotlarida korrupsiyaga qarshi ichki nazorat bo'linmalari tuzilishi to'g'risida fikrlarini ko'rib chiqdilar va ilgari surdilar.  Shuningdek, korxonada manfaatlar tuknashuviga yol kuymaslik va korrupsiyaga karshi keskin va  murosasiz kurashning samarali tizimini shakllantirish kerak degan xulosaga keldilar.

Uchrashuvda tinglovchilarga shuningdek, davlat xizmatchilarining rasmiy yurish-turishining asosiy tamoyillari va qoidalari, manfaatlar to'qnashuvi bilan bog'liq masalalar, odob-axloq qoidalarini buzganlik uchun javobgarlik va boshqalar keng tushuntirildi.