2024-yil 15-mart kuni  “Birinchi rezinotexnika zavodi” Maʼsulyati cheklangan jamiyati xorijiy korxonasida 2022-2024-yillarga tuzilgan jamoa shartnomasining 2023-yilda bajarilishi yuzasidan konferensiya bo‘lib o‘tdi.

Dastlab “Birinchi rezinotexnika zavodi” MCHJ XK kasaba uyushmasi qo‘mitasi raisi Diyor Alimov, Bosh direktor o‘rinbosari Mansur Aralov ushbu yo‘nalishda jamoa shartnomasiga binoan, 2023-yilda bajarilishi lozim bo‘lgan ishlar, va ularning ijrosi, erishilgan yutuqlar, shuningdek, amalga oshirilgan ishlar to‘g‘risida hisobot tinglandi.  Yuridik xizmat rahbari Zuxra To‘ychiyeva jamoat shartnomasi ijrosi bo‘yicha tuzilgan komissiya dalolatnomasini o‘qib eshitirdi.

Korxona bosh direktori G‘ulomjon Ibragimov jamoat shartnomasida ko‘zda tutilgan bandlari ijrosi taʼminlanganligi va kelgusida ishchi-xodimlar uchun yaratiladigan shart -sharoitlar haqida so‘z yuritdi.

Kimyo va farmatsevtika sanoati xodimlari kasaba uyushmasi Kengash raisining Yoshlar masalalari bo‘yicha maslahatchisi  -  Shavkat  Tairov Muhtaram  yurtboshimiz tomonidan amalga oshirilayotgan islohotlar  izchil davom etayotganligi,  shu o‘rindi Kasaba uyushmasiga aʼlohida eʼtibor qilinayotganligi to‘g‘risida so‘z yuritdi.

Shundan so‘ng konferensiya ishtirokchilari A.Shilov B.Pulatova, O.Mo‘minov A.Sherbutayev va B.Abduraxmonovlar 2022-2024 yillarga tuzilgan jamoa shartnomasining 2023 yilda bajarilishi bo‘yicha o‘z fikr muloxazalarini bildirishdi.Muloqotda ishchi-xodimlar mavzuga oid savollariga javob olishdi.

“Birinchi rezinotexnika zavodi” MCHJ XK maʼmuriyati hamda korxona kasaba uyushma qo‘mitasi o‘rtasidagi jamoa shartnomasi bandlarining 2023 yilda bajarilishi yuzasidan olib borilgan ishlari “qoniqarli”  deb topildi.