17-may kuni “Birinchi Rezinotexnika zavodi” MChJga Toshkent Davlat Texnika Universiteti qoshidagi O‘zbekiston-Yaponiya yoshlar innovatsion markazi va JICA xalqaro agentligining O’zbekistondagi filiali vakillari tashrif buyurdi.

Markaz direktori N. F. Amirova, Markaz direktorining o'rinbosari Z. Ch.Qodirova, tijoratlashtirish bo'limi boshlig'i M. Z. Sobirova, Ismailova O. B. - O'zbekistonda JICA laboratoriyasi va Yunikori Yanagida eksperti, rasmiy tashrif bilan "Birinchi rezinotexnika zavodi" MChJga mahalliylashtirish sohasida hamkorlik aloqalarini o'rnatish maqsadida tashrif buyurdi.

“Birinchi Rezinotexnika zavodi” mas’uliyati cheklangan jamiyati mutaxassislari zavod bo‘ylab ishlab chiqarish uskunalari, avtomobil shinalari ishlab chiqarish majmualari, sifat nazorati, vulkanizatsiya qurilmasi namoyishi bilan batafsil ekskursiya o‘tkazdi. Mehmonlarga ishlab chiqarilayotgan avtomobil shinalarining eng yangi va zamonaviy modellari, qishloq xo‘jaligi texnikalari uchun shinalar va konveyer lentalari namunalari taqdim etildi.

Toshkent davlat texnika universiteti qoshidagi O‘zbekiston-Yaponiya yoshlar innovatsiya markazi va JICA xalqaro agentligining O‘zbekistondagi filiali delegatsiyasi zavodimiz faoliyatiga katta qiziqish bildirdi. Har ikki tomon vakillari samarali hamkorlikka intilmoqda.