29-oktabrda “Birinchi Rezinotexnika Zavodi” shina korxonasi va “ADM Jizzakh” avtomobil korxonasi Kia Sonet krossoverlarining dastlabki butlashlari uchun Bars UZ200 yengil shinalarini yetkazib berishni boshlash to'g'risida bitim imzoladilar. O'zbekiston avtomobilsozlik tarmog'idagi ikki yirik korxonaning hamkorlikka kirishishi ishlab chiqarishni mahalliylashtirish va import butlovchilariga bo'lgan bog'liqlikni kamaytirishga qaratilganligini ta'kidlaydi.

Kia Sonet krossoveri uchun Bars UZ200 yozgi shinalarining ikkita o'lchamlari: 215/60 R16 va 195/65 R15 omologatsiyadan o'tdi. Ushbu shinalar yuqori tezlikdagi harakatlanish xususiyatlarini hisobga olgan holda ishlab chiqilgan, shuningdek, avtomobil egalariga past tebranish qarshiligi hisobiga yoqilg'i samaradorligini taklif qiladi. Bunday ekspluatatsiya xususiyatlari zamonaviy avtomobillar uchun juda zarur, bu esa loyihaning strategik ahamiyatini ta'kidlaydi.

“Kia Sonet krossoverlarining dastlabki to'plami uchun Bars UZ200 shinalarini yetkazib berishni boshlash - bu ikki ishlab chiqarish korhonalarining muvaffaqiyatli integratsiyasi misoli bo'lib, albatta, avtomobil sanoati raqobatbardoshligini oshirish va O'zbekiston iqtisodiyotini rivojlantirishga xizmat qiladi. Bir tomondan, bozorda hozirda Kia Sonet modeli mavjud bo'lib, u ADM Jizzakh korxonasidan to'liq ishlab chiqarilgan maksimal darajada mahalliylashtirilgan birinchi avtomobil bo'ldi. Boshqa tomondan, Bars UZ200 shinalarini dastlabki butlash doirasida qo'llash kengaymoqda, bu esa shina korxonasidagi mahsulot sifati va ishlab chiqarish jarayonlarining ilg'or avtomobil ishlab chiqaruvchilarining yuqori talablariga muvofiqligini yana bir bor isbotlaydi”, - deydi bosh direktor G'ulomjon Inomovich Ibragimov.

Angren (O'zbekiston) erkin iqtisodiy hududida joylashgan “Birinchi Rezinotexnika Zavodi” 2019 yilda ishga tushirilgan. Bu mamlakatdagi birinchi va yagona rezina ishlab chiqarish korxonasidir. Yillik ishlab chiqarish quvvati 3 million avtomobil shinalari va 100 ming pogon metr konveyer lentalarini tashkil etadi. Korxonada 200% sifat nazorati amalga oshirilgan: har bir shina majburiy vizual ko'rikdan va avtomatlashtirilgan tekshiruvdan o'tadi. Sifat nazoratidan o'tmagan mahsulotlar yon devori kesilgan holda utilizatsiyaga yo'naltiriladi, bu esa, ularni sotish imkoniyatini istisno qiladi.Avvalroq 2024-yilda Bars shinalari Uz Auto Motors (O‘zbekiston) tomonidan ishlab chiqarilgan Chevrolet Damas, Chevrolet Tracker va Chevrolet Onix avtomobillarining dastlabki butlanishi uchun yetkazib berish  tasdiqlangan edi.

Angren shahridagi shina korxonasi "Tatneft" guruhining "Shina biznesi" biznes yo'nalishining bir qismi hisoblanadi. Biznes-yoʻnalish yana ikkita ishlab chiqarish maydonchasini oʻz ichiga oladi: Rossiyaning Vsevolojsk shahridagi Ikon Tyres shina korxonasi va Qozogʻistonning Saran shahridagi Tengri Tyres shina korxonasidir. Barcha uchta korxonada sanoatning eng yaxshi jahon amaliyotiga mos keladigan ishlab chiqarish va mahsulot sifatining yagona standartlari joriy etilgan.

ADM Jizzakh — Oʻzbekistondagi xususiy avtomobil korxonasi boʻlib, u 2021-yilda Kia, Lada va Renault kabi avtomobillarni keng koʻlamli yigʻish (SKD) bilan ish boshlagan. Keyinchalik korxona portfoliosi Chery va Haval brendlari bilan to'ldirildi. 2024 yil mart oyida to'liq davriy ishlab chiqarish korxonasi (CKD) ishga tushirildi va maksimal mahalliylashtirish darajasiga ega birinchi avtomobil Kia Sonet modeli bo'ldi. To'liq davriy ishlab chiqarish korxonasining quvvati yiliga 100 ming avtomobilni tashkil etadi.