“Oʻzkimyosanoat” AJ va tarmoq korxonalari xodimlari oʻrtasida “Zakovat” intellektual turniri oʻtkazildi
Oʻzbekiston Respublikasi Prezidentining “Zakovat” intellektual oʻyinini aholi oʻrtasida ommaviy-ma’rifiy harakatga aylantirish va boshqa intellektual oʻyinlarni rivojlantirishga oid chora-tadbirlar toʻgʻrisida” 2022-yil 20-yanvardagi PQ-96-son qarori ijrosini ta’minlash, shuningdek, mamlakatimizda amalga oshirilayotgan keng koʻlamli islohotlarda xodimlarning faol ishtirokini ta’minlash, yuksak ma’naviyatli, mustaqil va erkin fikrlaydigan, zamonaviy ilm-fan yutuqlarini puxta oʻzlashtirgan, kuchli bilimga ega boʻlgan xodimlarni qoʻllab-quvvatlash va ularga oʻz iqtidorlarini namoyish etish uchun imkoniyat yaratish hamda ularni ragʻbatlantirish maqsadida – Kimyogar kuni munosabati bilan 2023-yil 3-iyun kuni “Oʻzkimyosanoat” AJ markaziy apparati va tarmoq korxonalari xodimlari oʻrtasida “Zakovat” intellektual turniri oʻtkazildi. Xodimlarning bilim va salohiyatlari sinalgan bellashuvda “Birinchi rezinotexnika zavodi ” MCHJ XK “BARS” jamoasi fahrli 1-orin bilan gʻoliblikni qo‘lga kiritdi. Gʻolib va sovrindorlar faxriy yorliq va esdalik sovgʻalari bilan taqdirlanishdi.