Joriy yilning 17-may kuni “Birinchi rezinotexnika zavodi” MCHJ XKda korxona Kasaba uyushma qo‘mitasi hamkorligida korxonada reja asosida korxona va taʼlim muassasalari o‘rtasidagi kelishuvga asosan, “Ochiq eshiklar kuni”ni o‘tkazish, mehnat faoliyatiga tayyorlash hamda yoshlarni ishlab chiqarish sharoitlari bilan tanishtirish maqsadida Angren shahar Xalq taʼlimi bo‘limiga qarashli 40-umumtaʼlim maktabining 9-sinf o‘quvchilari uchun “Ochiq eshiklar kuni” tashkil etildi.

Dastlab o‘quvchilar korxona muzeyida bo‘lib, korxona tarixi, faoliyati va xavfsizlik qoidalari, ichki tartib-qoidalar bilan korxona mehnat muhofazasi sanoat havfsizligi yetakchi muhandisi Мo'minov Otabek tomonidan tanishtirildi.

Shundan so‘ng, o‘quvchilar korxonaning ishlab chiqarish sexlari tomon maxsus biriktirilgan mutaxassis Shinalar va konveyer lentalari dizayni bo'yicha guruh rahbari Ilxomov Azizjon bilan birga olib borildi. Bunda mutaxassis tomonidan o‘quvchilar korxonada ishlab chiqarish jarayoni, mahsulotni ishlab chiqarish pog‘onalari hamda sharoitlari, ishlab chiqarilayotgan mahsulotlar turlari bilan batafsil tanishtirildilar.

“Ochiq eshiklar kuni”da maktab o‘quvchilari korxona faoliyati bilan yaqindan tanishib, ijobiy taassurotlar bilan qaytishdi.