"Birinchi rezinotexnika zavodi" MCHJ respublikada yetakchi ishlab chiqarish korxonalaridan biri sanaladi. Korxona o'zining ishlab chiqarish hajmi va ko'rsatkichlari, imkoniyati nuqtai nazaridan jadal mehnat faoliyatini olib bormoqda.

    Joriy yilning o'tgan 6 oyi mobaynida (yanvar-iyun holatiga ko'ra) jami tovar mahsulotlari hajmi 170,7 mlrd so'm (o'sish sur'ati – 419%)ni tashkil etdi. Shundan, avtomobil shinalari 447,7 ming dona (o'sish sur'ati – 574%), qishloq xo'jaligi shinalari 4,35 ming dona hamda konveyer lentalari 22,6 ming p/m (o'sish sur'ati – 139%) va 100 komplekt konveyer tasmalarini ulovchi materiallar ishlab chiqarildi.

    Korxonamiz mahsulotlarni sotish ko'rsatkichlari bo'yicha ham ijobiy natijani qo'lga kiritib kelmoqda. Jumladan, yanvar-iyun oylari yakuni bo'yicha Sotuv hajmi 134 mlrd so'm (o'sish sur'ati 373%)ni tashkil etdi. Shundan avtomobil shinalari 413,3 ming dona 105,4 mlrd so'm (o'sish sur'ati 485%), qishloq xo'jaligi shinalari 1,34 ming dona 0,8 mlrd so'm (o'sish sur'ati 273%), konveyer lentalari 10,4 ming p/m 26,3 mlrd so'm va 100 komplekt 1,5 mlrd so'm konveyer tasmalarini ulovchi materiallar sotilgan. 56,17 ming dona 1 547,85 ming AQSh dollari qiymatidagi avtomobil shinalari eksport (o'sish sur'ati – 14 baravar) qilindi. Bundan ko'rinadiki, zavodda yildan-yilga ishlab chiqarish va Sotuv hajmi ortib bormoqda.