Korxonaning komplaens xizmati tomonidan belgilangan reja asosida korxonadagi bo'lim va sexlarda xodimlarning huquqiy ongini oshirish, korrupsiyaga nisbatan toqatsizlik prinsipini shakllantirish bo'yicha seminar yig'ilish o'tkazilmoqda.

Joriy yilning 20-may kuni korxonaning tijorat ishlari bilan shug'ullanuvchi bo'limlar xodimlari ishtirokida yig'ilish seminar o'tkazildi.

Yig'ilish davomida ishtirokchilarga O'zbekiston Respublikasining 2022-2026-yillarga mo'ljallangan "Yangi O'zbekistonning taraqqiyot strategiyasi"ning 84-maqsadida - korrupsiyaga moyil soha va tarmoqlarni aniqlash, korrupsiyaviy omillarni bartaraf etish tizimining samaradorligini oshirish, jamiyatda korrupsiyaga nisbatan murosasiz munosabatni shakllantirish belgilanganligi tushuntirildi.

Shuningdek, O'zbekiston Respublikasi Prezidentining 2022-yil 11-maydagi "Davlat boshqaruvi sohasida korrupsiyaviy xavf-xatarlarni bartaraf etish mexanizmlarini takomillashtirish va ushbu sohada jamoatchilik ishtirokini kengaytirish chora-tadbirlari to'g'risida"gi 240-sonli qarori mazmun mohiyatini xodimlarga yetkazildi.