Respublika Ma'naviyat va ma'rifat markazi Angren shahar bo'limi rahbari A.T.Yusupov tomonidan "Birinchi rezinotexnika zavodi" MChJda ma'naviy va ma'rifiy ishlarning hozirgi holati o'rganildi.

    Unda O'zbekiston Respublikasi Prezidentining 2021-yil 26-martdagi "Ma'naviy-ma'rifiy ishlar tizimini tubdan takomillashtirish chora-tadbirlar to'g'risida"gi PQ-5040-sonli Qarori ijrosini ta'minlash borasidagi ishlar ko'rildi.

    O'rganish jarayonida Bosh direktorning Davlat tili va ma'naviy-ma'rifiy ishlar bo'yicha maslahatchisi B.R.Mamatov bilan ma'naviy va ma'rifiy sohaga oid ishlar tahlil qilindi. Korxonada 2022-yil uchun davriy nashrlarga faollik bilan obuna tashkil etilgan.

   Bundan tashqari, ishchi-xodimlarning turli xildagi kitoblar mutolaa qilishlari va ma'naviy-ma'rifiy tadbirlarni o'tkazilishi uchun ham sharoitlar yetarli.

   Korxonada sohaga oid tadbirlar bo'yicha shahar Ma'naviyat va ma'rifat markazi bilan hamkorlikda rejalar tuzishga kelishildi hamda markaz tomonidan amaliy yordam ko'rsatildi.