Kimyo sanoati xodimlari kuniga bag‘ishlangan jamoaning tantanali yig‘ilishida “Birinchi rezinotexnika zavodi” mas’uliyati cheklangan jamiyati xorijiy korxona ma’muriyati vakillari tomonidan jamiyatning eng yaxshi mutaxassislariga “O‘zkimyosanoat” AJ faxriy yorlig‘i va korxona tashakkurnomalari topshirildi. 

2023-yil 26-may kuni “Birinchi rezinotexnika zavodi” mas’uliyati cheklangan jamiyati xorijiy korxonasida kasb bayrami – Kimyo sanoati xodimlari kuni munosabati bilan o‘tkazilgan nominatsiyalar , sport musobaqalari  va tanlovlar yakunlarining tantanali sarhisobi bo‘lib o‘tdi. Shu munosabat bilan bayram dasturxoni yozilib, xodimlarga yaxshi kayfiyat ulashildi.

Tadbirda zavod bosh direktori v.v.b Sh.S.Aminov, kasaba uyushma qoʻmitasi raisi D.A.Alimov, boʻlim va sex boshliqlari, faollar, musobaqa gʻoliblari  ishtirok etdi.

Umuman olganda, “Kimyogarlar kuni” bayrami arafasida “BRZ” MChJ XK tomonidan 70 nafardan ortiq sportchi va faollar taqdirlandi.