“O‘zkimyosanoat“ AJda “KITOBXON XODIM — 2023“ ko‘rik-tanlovining respublika bosqichi bo‘lib o‘tdi
2023-yil 19-oktyabr kuni “O‘zkimyosanoat“ AJda 21-oktyabr — O‘zbek tili bayrami munosabati bilan “O‘zkimyosanoat“ AJ tarmoq korxonalari va tashkilotlari xodimlari o‘rtasida o‘tkazilgan “KITOBXON XODIM — 2023“ ko‘rik-tanlovining respublika bosqichi bo‘lib o‘tdi.
Jamiyatning tarmoq korxonalari va tashkilotlarida bo‘lib o‘tgan bellashuvlarda g‘olib bo‘lgan 11 nafar kitobxon xodimlar ishtirok etgan final bosqichi 3 ta shartdan iborat bo‘ldi.
Tanlovning respublika bosqichida “Dehqonobod kaliy zavodi“ AJ vakili Karimova Gulnoza faxrli 1-o‘rinni, “Navoiazot“ AJ vakili Mannonova Gulhayo 2-o‘rinni egalladi. “Birinchi rezinotexnika zavodi” MCHJ XK vakili Sadikova Oltinoy 3-o‘rinni qo‘lga kiritdi.
Tanlov g‘oliblariga diplom va qimmatbaxo sovg‘alar topshirildi. Bellashuvlarda faol qatnashgan kitobxonlar esa faxriy yorliq va kitoblar to‘plami bilan taqdirlanishdi.